منتدى الموثق فيصل الحكمي - موثق وكالة معتمد بالرياض




  • faisal.hakami من :مصر yes إهداء من إدارة منتدى الحكمي للتوثيق لـ فريق توثيق , على نشاطه ومواضيعه المتميزة في المنتدى, كل الشكر والتقديري وبإنتظار المزيد smile
    faisal.hakami من :السعودية - مدينة الرياض wink_3 توثيق الأعمال مع الحكمي أسهل واسررع - لا داعي لترك منزلك او مقر عملك من أجل التوثيق - سنذهب إليك اينما كنت داخل الرياض, نوثق لك وأنت في منزلك أو مقر عملك yes
    faisal.hakami من :مدينة الرياض yes موثق وكالات معتمد بالرياض - وثق وانت في منزلك - نأتيك اينما كنت - إتصل الآن: 0567663666 - أو سجل طلبك بالضغط هنا cool
    faisal.hakami من :مدينة الرياض cool yes تم افتتاح موقعنا الجديد (الحكمي للمحاماة والإستشارات القانونية) لطلب محامي في قضية او استشارة يرجى الضغط هنا smile cool
    اضافة إهداء
    (المعذره .. غير مسموح للزوار بإضافة الإهداءات, الرجاء التسجيل في المنتدى)


أهلا وسهلا بك زائرنا الكريم في منتدى الموثق فيصل الحكمي - موثق وكالة معتمد بالرياض، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





ذالك الجامح وغثاه

السلام عليكم ورحمة الله وبركاته مسيكم بالخير الجميع احد ابناء خؤولة شايبتي رحمها الله واموات المسلمين يمتلك بغل وانتم ..



01-11-2019 08:50 مساء
الحكمي RSS موثق وكالة
فريق انجزلي لخدمات الويب
معلومات الكاتب ▼
تاريخ الإنضمام : 15-06-2019
رقم العضوية : 172
المشاركات : 67078
الدولة : السعودية
الجنس : ذكر
قوة السمعة : 210
موقعي : زيارة موقعي
 offline 

السلام عليكم ورحمة الله وبركاته
مسيكم بالخير الجميع


احد ابناء خؤولة شايبتي رحمها الله واموات المسلمين يمتلك بغل وانتم بكرامه هاذ البغل جامح وصعب المراس وعنيد لابعد الحدود وكان في البدايه هادي ووديع من حوالي سنتين تغيرت
طباعه وصار جامح وصعب المراس وعنيد يوم الثلاثاء الماضي توجهت للمزرعه كالعاده رغم انه ما كان عندي اشغال تفقدت المزرعه والحلال وخيولي خاصه حصاني الصقلاوي
جلست مع خالي حوالي ساعه وشوي ورجعت للبيت كنت اتمشى على مهلي سمعت اصوات مختلطه
ناظرت صوب الاصوات اذا هالبغل الجامح قد فلت من عقاله وصار يحوس حدايق الديره وزروعها كان منطلق بسرعه قفز من فوق سياج بعلو حوالي 2 متر وانطلق صوب شرق الديره
قلت في نفسي : يا ستار يا ستار الله يحفظنا اليوم ويجيب العواقب سليمه
كملت مشي للبيت تريحت وتروشت وتوجهت لبيت خالتي ( امي بالرضاعه ) لقيتها وزوجها و2 من اولادها اخوتي بالرضاعه جلست معهم سولفنا بمواضيع كثيره وبعدها رجعت للبيت
ما مضى وقت طويل سمعت صوت جلبه في حوش البيت طلعت اشوف ويش اللي يصير اذا هالجامح يخرب حديقة البيت مزروعه طماطم حين شافني انطلق خارج الحوش
ضاق صدري لكني مسحت وجهي بالرحمن مضى حوالي دقايق سمعت صوت خالتي تصارخ وتنادي طلعت من البيت على عجل ورحت صوب حديقة بيت خالتي وقفزت من فوق سلسله حجريه
لداخل الحديقه اذا زوج خالتي طايح على الارض خالتي واولادها يحاولون يوقفوه على ارجوله كان زوج خالتي يتوجع من يده حين امسكته من يده صرخ من الوجع اكتشفت انه مصاب بكسر





في ساعده الايمن اخذناه لبيت رجال من الديره سوا له جبيره على الطريقه الشعبيه من البيض والصابون ولف يده بالجبيره وربطها ورجعنا فيه للبيت
اللي حصل انها خالتي وزوجها كانو في حديقتهم خلف بيتهم مزروعه خس وفلفل وطماطم دخل هاذ الجامح الحديقه حاول زوج خالتي يطرده ويقوم الجامح يرفس زوج خالتي جت الضربه في
ساعده الايمن تراجع زوج خالتي للخلف تعثر بحجر فوقع على الارض
وصل الخبر لاخوالي الثلاثه حضرو وتطمنو على زوج خالتي
خالي ابو اسماعيل قال : اسمعني يا ابو حاتم لزوم ابن خالنا ابو عبدالله يلاقي حل لهاذ الجامح تدري انه قتل نعجتين من نعاج ابو ظاري وقتل لي طلي وشاه والحين كسر يد زوج اختنا

ويش الراي والتدبير الاثنين اولاد عمومه واولاد خؤوله نروح له ونحكي معاه
خالي ابو محمد قال : لا لزوم ابن خالنا يجي لبيت اختنا مو حنا نروح له هاذ الاصل
خالي ابو حاتم قال : انتم الاثنين معاكم حق يصير خير إن شاء الله
زوج خالتي قال : مدري ويش اسوي ابو عبدالله ابن عمومتي وحرمته بنت خالتي لا حول ولا باليد حيله
اخوتي بالرضاعه كانو ودهم يروحون يتكلمون مع ابو عبدالله
صارخ فيهم خالي وقال : ما احد منكم يروح لابو عبدالله خلكم هنا في البيت عند شايبكم تعلمو منا حنا الشيبان
وصلنا خبر انه هاذ الجامح اصاب اثنين بعد من اهل الديره وخرب حدايق وزروع بعد وبعدنا في اول موسم الزراعه الشتويه قمنا وطلعنا من البيت خوالي ابو حاتم وابو محمد توجهو لبيت خالي
توجهت مع خالي ابو اسماعيل للمزرعه اشوف ويش صار حين شفت النعجتين والشاه والطلي تماسكت وقلت لا حول ولا قوه الا بالله العلي العظيم / الله يعوضنا خير باللي فقدناه اليوم
مسحت وجهي بالرحمن وحطيت عالجرح ملح وظليت ساكت دقيت على سايق الجرافه وطلبت منه يجيني للمزرعه بالجرافه الصغيره حين وصلني طلبت منه يحفر حفره على طرف المزرعه
وحملنا النعجتين والشاه والطلي وحطيناهم بالحفره وردمنا عليهم التراب ورجعت مع سايق الجرافه للبيت
جلست قالت لي ام العيال : الله يعوضنا خير الله يعين يا ابو ظاري
قلت : الله يعوضنا خير لا حول ولا قوه الا بالله العلي العظيم
مع عصر ذاك اليوم دق علي خالي وقلي : بعد صلاة المغرب تلاقيني في بيت خالتك
قلت : ان شاء الله
بعد صلاة المغرب توجهت لبيت خالتي مع رجاجيل العشيره استقبلنا زوج خالتي واولاده وجلسنا في مجلس الرجاجيل اخواني بالرضاعه صبو الفناجيل للرجاجيل وجلسو
خالي ابو حاتم بسمل وقال : يا خوي ابو فارس هاذ ابو عبدالله ابن خؤولتي وابن عمومتك وحرمته بنت خالك جاك لبيتك اسمع منه
ابو عبدالله قال : اول شي الحمدلله على سلامتك يا ابن عمي ويش ودك من عيني اليمين قبل عيني الشمال بسبب اللي حصل لك من هاذ الجامح
زوج خالتي قال : شوف ودي شي واحد منك
ابو عبدالله حط يده على راسه قال : على عيني وعلى راسي اللي ودك اياه وابشر
زوج خالتي قال : كفو يا ابن عمي ما تقصر اللي ودي اياه اربط هالجامح وكف غثاه وبلاه عن اهل الديره وما ودي شي ثاني
الربع قالو : ما قصرت يا ابو فارس جزاك الله خير
ناظرني خالي وقال : وانت يبه وانت يا خوي ودكم شي من ابو عبدالله
قلت : يبه واسمحلي يا خالي ابو اسماعيل اتكلم عني وعنك ما ودنا منه شي الله يعوضنا خير
قام خالي ابو اسماعيل من مكانه وحبني من جبيني قال : الله يرضى عليك الله يرضى عليك
امسكت بيده ودي احب عليها سحب يده وقلي لا لا يبه الله يرضى عليك
واحد من الشيبان قال : والله يا ابو حاتم انت واخوانك اثمرت تربيتكم في حمود
خالي قال : الحمدلله هذا من فضل ربي
كنت جالس على طرف مجلس الرجاجيل ناظرت خالتي ( امي بالرضاعه ) تأشر لي بيدها تعذرت من الربع وقمت رحت اشوفها
خالتي امسكتني من يدي واخذتني على جنب وقالت لي : عفيه عليك يا النشمي لو انك طلبت شي من ابو عبدالله كنت زعلت منك
حبيت على يدها قالت لي : عشى الرجاجيل جاهز قلهم يتفضلو على العشا
رحت لمجلس الرجال : وهمست باذن زوج خالتي عشا الربع جاهز
انتبهت الجميع يناظرني
زوج خالتي قال : يالربع تفضلو على العشا
قمنا تعشينا وحمدنا الله وحين رجعنا مجلس الرجال ظل ابو عبدالله واقف وقال يالربع يوم الخميس غداكم عندي في بيتي
الربع قالو يا ابو عبدالله ما في داعي تكلف نفسك اجلس يقوم ابو عبدالله يرمي عقاله على الارض تفزع الرجاجيل ودهم يحطون عقاله على راسه وهو يرفض ويحلف ايمان إلا غدانا عنده يوم الخميس
الربع قالو خلص غدانا عندك مير البس عقالك وخالي ابو حاتم البس ابو عبدالله العقال
حين جلس ابو عبدالله قال : يالربع اللي صار اليوم راح ولدي حميد وده يعلف ذاك الجامح اطلعه من مربطه ونسى يربط حبل الرسن بالحلقه اللي في الجدار يفك قيود ذاك الجامح جنب الحوطه كان
في الدجاجات والديك يطير الديك من فوق راس الجامح ويقوم الجامح ينطلق وباب الحوطه مفتوح والباقي تعرفونه
بعد ما سهرنا في بيت خالتي كل منا راح لبيته وصباح يوم الاربعا خالي راح للناس اللي تخربت زروعهم واللي اصابهم ذاك الجامح
قلهم خالي : اللي ودكم اياه من ابو عبدالله تطلبوه مني
اغلب الناس رفظت تطلب عوض عن خسايرهم خالي تكفل بمصاريف علاج الشخصين وبلغت حوالي دينار دفعها خالي من جيبه الخاص واصلحنا ابو عبدالله مع اللي تسبب ذاك الجامح في خسايرهم
اول امس بعد الظهر الربع يطاردون خلف هالجامح حصرناه في حوطه تخص خالي ابو اسماعيل ولها بابين احضرنا حبال وسويناها على شكل انشوطات وكل منا ياخذ دور نطوحها بالهوا ونرميها
عليه لين واحد منا جت انشوطته في راس الجامح وعلقت على رقبته شدينها وصرنا نرمي الحبال على ارجول ذاك الجامح لين قدرنا نربطها ثبتنا ذاك الجامح وعيال ابو عبدالله ربطو ارجول
ذاك الجامح بقيود حديديه واخذوه لمربطه واراحو اهل الديره من غثاه
امس الخميس تغدينا في بيت ابو عبدالله جعله عامر حين طلعنا من بيت ابو عبدالله ناظرت ذاك الجامح وهو في الحوطه مقيد قربت منه وحين شافني صار وده يكسر السياج ويهاجمني
تركته وكملت طريقي مع الربع
عشيرة خوالي بسبب قرابتهم وزواجهم من نفس العشيره ساوو شبكة قرابه معقده ومتشابكه ومن الصعب جدا فهم صلة القرابه بينهم
وسلامتكم يالربع






































































توقيع :الحكمي RSS موثق وكالة
yes موثق وكالات معتمد بالرياض - وثق وانت في منزلك
نأتيك اينما كنت في المنزل او مقر العمل
إتصل الآن: 0567663666




المواضيع المتشابهه
عنوان الموضوع الكاتب الردود الزوار آخر رد
ذالك الجامح وغثاه الحكمي RSS موثق وكالة
0 6 الحكمي RSS موثق وكالة

الكلمات الدلالية
لا يوجد كلمات دلالية ..


 







الساعة الآن 11:24 مساء